KATA PENGANTAR
Tabe salamat Lingu Nalatai Salam Sahujut Karendem
Malempang.
Puji Dan Syukur Atas Berkat Rahmat Ranying Hatalla Langit
Tuhan Tambing Kabanteran Bulan Raja Tuntung Matan Andau Jatta
Balawang Bulau Kanaruhan bapager Hintan (Tuhan Yang Maha Esa)
berkat karunianya yang dilimpahkan kepada kita semua, sehingga
upaya saya dapat menyempurnakan kembali Talatah Basarah (Buku
Kandayu). Buku ini Kumpulan Kidung Suci Agama Hindu Kaharingan
yang dilagukan pada Saat Basarah.
Semoga buku ini berguna bagi kita semua atau sebagai
penunjang penghayatan ajaran agama Hindu Kaharingan yang
disusun sedemikian rupa sesuai dengan buku kandayu yang
dikeluarkan oleh Majelis Alim Ulama Hindu Kaharingan Indonesia
pada Tahun 1979.
Semoga buku ini dapat digunakan oleh semua umat Hindu
Kaharingan dan sebagai penuntun Basarah/ Persembahyangan.
Akhir kata saya ucapkan terima kasih kepada Tim penyusun
buku kandayu yang terdahulu atau semua pihak sekali lagi saya
mohon ma’af yang sebesar-besarnya jika ada kekeliruan dan saya
bersedia menerima saran dan kritik dari semua pihak.
Sahiy,Sahiy, sahiy
Palangka Raya, Maret 2017
Tim Penyusun
ii
DAFTAR ISI
Kata Pengantar……………………………………………............. ii
Daftar isi……………………………………………………............. iii
Susunan Acara Basarah………………………………….............. iv
Paramun Basarah………………………………………................ iv
Manggaru Sangku Tambak Raja………………………............... v
Do’a Tamparan Basarah………………………………................. vi
Do’a Panutup Basarah…………………………………................ ix
Do’a Kuman………………………………………………............... xi
Kandayu Manyarah Sangku tambak Raja……………................ 1
Kandayu Mantang Kayu Erang………………………….............. 5
Kandayu Parawei………………………………………….............. 28
Kandayu Akan Penganten ...........……………………................ 31
Kandayu Akan Uluh Hisek………………………………............... 34
Kandayu Pangaten Melai Balai………………………….............. 35
Kandayu Katika Nahunan………………………………............... 37
Kandayu Maluput Hajat…………………………………............... 42
Kandayu Anak Sakula………...................................................... 44
Kandayu Alem Pendeng Huma………………………….............. 48
Kandayu Buli Huma Taheta ..…………………………................ 51
Kandayu Alem Uluh handak Manugal…………………............... 53
Kandayu Akan Uluh Ije Handak Tiwah………………….............. 57
Kandayu Limbah Tiwah…………………………………............... 60
Kandayu Uka ULuh Matei………………………………............... 62
Kandayu Metuh Mangubur……………………………….............. 64
Kandayu Limbah Mangubur……………………………................ 67
Kandayu Melai Uka Pasah Patahu……………………................ 69
Kandayu Mambuwur Behas Hambaruan……………….............. 71
iii
I. SUSUNAN ACARA BASARAH
1. Narinjet/Nalatai Behas Tawur
2. Manggaru Sangku Tambak Raja
3. Do’a Tamparan Basarah
4. Kandayu Manyarah Sangku Tambak Raja
5. Pembacaan Kitab Suci Panaturan
6. Kandayu Mantang Kayu Erang
7. Pandehen/Siraman Rohani
8. Kandayu Parawei
9. Do’a Panutup Basarah
10. Menerima Berkat Ranying Hatalla Hajamban
Behas Hambaruan Nyaki malas mantis Undus
Tampung Tawar
II. PARAMUN BASARAH
1. Sangku Inyuang Behas
2. Giling Pinang 7 Ruku 7
3. Hambaruan Ije Bangkusan Timpung
4. Duit Singah Hambaruan
5. Dandang Tingang Pendeng Huang Bentuk
Sangku
6. Tanteluh 1, Kasan Undus, Tampung Tawar
7. Parapen, Garu/Manyan
iv
MANGARU SANGKU TAMBAK RAJA
Nggaru Manyangku Kapanatau Sangku Tambak Raja ije
bahalap basuang behas manyangen tingang, hayak
ingarambang hapan giling pinang hambalat awi rukun tarahan,
basingah bulau pungkal raja rabia tisik tambun, ije bahalap
ineras hapan bulau hambaruan ije kabangkusan timpung.
Maluhing hapan dandang tingang ije kadandang, tanteluh
manuk darung tingang, tuh inyarah ikei akan Ranying Hatalla
Langit, Tuhan Tambing Kabanteran Bulan, Raja Tuntung Matan
Andau. Basa bitim hai kuasam belum datuh japa jimat
maharing. Mangat kare kahandak ikei uras tau manjadi kilau
gawin junjun helu huran melai batang danum injam tingang
rundung nasih nampui burung. Uka behas bulau hambaruan ije
mungkus hong kabangkusan timpung tau nanteluh nduan hila
upun tundue hariten nduan halawu benteng. Huang aram
tuntang kuasam ikei balaku.
Kuruk hambaruan ikei buli, 3 X
Sahiy
v
DO’A TAMPARAN BASARAH
Ikey Mangaku Tuntang Percaya
Ranying Hatalla Katamparan
Langit Katambuan Ikei
Petak Tapajakan Ikei
Nyalung Kapanduyan Ikei
Kalata Padadukan Ikei
Palus nanjuriku bahing ganan tandak balua bulau pantar tatah
bahanjungan rabia sadurin guntum, bahi-bahing panganak
andau balua parung hai malabehu benteng siru datuh ije
marantau ruang, ije gantung pahalendang tinggi pahalingei.
Bambahingan panyandai bulan nehus siru sari pangku
palus nyalumbu ambun tilap telu puluh manehus enun lime
balas hatalamping eleh tapuk tasik kapanjungan manjung
halawu tumbang lawang langit
Palus ganan tandak buah tasik malambung bulau harende
laut napatah hintan sali padadusan Ranying Hatalla Langit ije
hai kuasae belum datuh japa jimat maharing.
Kangkarungut ganan tandak janjaruman karang lingun ikei
tingang esum pantai danum kalunen nalatai tisui luwuk
kampungan bunu bau ambun alem/andau tuh ikei tingang are
hakapeleng renteng tambun randan hapampungan lingkat mijen
huang parung hai malabehu benteng siru datuh marantau
ruang.
vi
Basa ikei manaharep tuntang manyarah kapanatau
Sangku Tambak Raja ije gantung pahalendang tinggi pahalingei
ije basuang behas ba-asal bara parei manyangen tingang
bahalap Ngarambang hapan giling pinang ihambalat awi rukun
tarahan hayak ineras bulau hambaruan ije bangkusan timpung
basingah bulau pungkal raja tabia tisik tambun.
Bahalap maluhing hapan dandang tingang ije kadandang
tuh inyarah ikei hapan do’a basarah ikei hapan ikei balaku asi
belum palakuan datuh japa jimat maharing ije mahunjun bara
raja awang beken pahayak Ikei, tuntang kilau gawin ije jadi
manjadian taluh handiai huang sahapus kalunen junjun helu
huran.
Ngatah ku tinai Ranying Hatalla Langit Tuhan Tambing
Kabanteran Bulan akam mujan danum nyalung Kaharingan
belum natisan guhung panaling haseng akan ikei handiai
mangat kare ikei handiai sama tau nupi nekap kayun penyang
karuhei tatau sandik panturung sangkalemu raja, belum
panjang umur batuah marajaki, narai kahandak ikei uras tau
manjadi huang batang danum injam tingang rundung nasih
nampui burung, belum sanang mangat sanang salamat, barigas
ka-abas.
Uka ikei tau penyang hinje simpei paturung humba
tamburak mangat ikei tau akan tanggeran lewu manderah
danum pananggak rundung hapamantai tambun.
vii
Tinai uka ikei tau belum tatau sanang haring manggigih
tingkah lawang baun andau. Akam masi mawat mampahayak
tuntang mangejau kare ikei handiai bara kare sial kawe nupi
kampa dahyang baya,riwut peres baratus gangguranan arae
sampar saribu sasabutan bitie, nantilang kia ikei bara kasingen
kahirin uluh lewu mandereh danum pananggak rundung
hapamantai tambun.
Mangat kare ikei handiai ije tege tingang mumpung
renteng tambun randan hapampungan lingkat huang ambun
alem/andau tuh sama tau nupi nikap kayun penyang karuhei
tatau ngampa sandik paturung sangkalemu raja. Akam kia
mampakeleh kare kula jalahan ikei ije buah kahaban kapehe
lasut darem mapahayak kia tundah jalahan ike ije manampa
jalanae kejau akam kia mangarendeng kare paharin ike ungkup
uluh kaharingan ije hindai puji mahining auh ajar aim ije baguna
akan galang pambelum ewen hajamban basarah tuh uka ewen
tau barendeng pahayak ikei.
Aluh hatampulu ikei balaku asi belum dengam kueh bitim
tau rise rawei hangkahanya ikei palakuan awat maharing isen
balitam ela basuleh huang. Basa tawangku bitim puna Raja Ije
mahunjun bara kare Raja awang beken balitam kuasam jatun
bara tikas kuasam tuntang bitim tampung sahur bara gantung
langit tundun parapah bara tuyang hawun.
Dia panjang riwut rawei hajamban bahing ganan tandak
isen ambun saruhin tisui babalang labatan ganan kandayung
viii
eleh manting nduan tahanjugae palus nende mijen
panyalampayae.
Palus buli ganan tandak buli bantambang salumpuk
entang mules lepah labatan kandayungku mulang tantakep
taterus tuyang.
Palus buli hayak ganan tandak buli bulau pantar tatah
mules labatan ganan kandayungku nyuruk rabia saduring
guntum ruwan junjun helu.
Kuruk hambaruan ikei buli, buli nyelem bangkusan timpung
mangat hariten halawu benteng, barintih nduan hila upun
tundue buli hayak kapintar kaharati payalembang untek
panarang atei, parentas rawei, parajang hukum.
Huang Aram Tuntang kuasam Ikei balaku
Sahiy
ix
DO’A PANUTUP BASARAH
Palus Inanjuriku ganan tandak bulau bulau pantar tatah
bahanjung rabia sadurin guntum. Bahi-bahing panganak andau
balua parung hai malabehu benteng siru datuh marantau ruang
ije gantung pahalendang tinggi pahalingei ruwan parung jatta
balawang bulau sirun kanaruhan bapager hintan.
Bambahingan Payandai Bulan palus nyalumbu ambun
tilap telu puluh manangkawet enun lime balas hatalamping.
Palus tapuk tasik kapanjungan manjung halawu tumbang
lawang langit.
Kangkarungut ganan tandak namuei tukang uju lawang
langit uju nanjung inangkalau. Eleh tapuk tasik malambung
bulau harende laut bapatah hintan palus murik batang danum
mendeng ngatimbung langit nanturung pahalendang balai bulau
napatah hindan sali padadusan Ranying Hatalla langit Tuhan
Tambing Kabanteran Bulan Raja Tuntung Matan Andau ije hai
kuasae belum datuh japa jimat maharing.
Kangkarungut tinai ganan tandak janjaruman karangan
ikei tingang esum pantai danum kalunen nalatai tisui luwuk
kampungan bunu. Basa nduan hambekan ketun ikei hayahayak handak manutup pumpung basarah tuh mahapan Do’a
ikei uka bitim tau mujan danum nyalung kaharingan belum
natisen guhung panaling aseng akan ikei handiai ije tege huang
x
ambun alem/andau tuh palus akan kare tundah jalahan ikei ije
melai huang huma tuntang mawi jalanae kejau.
Awi asim tuntang sintam ikei tau i-awat tuntang halajur
ingat kakare auh aim akan galang pambelum ikei intu batang
danum injam tingang tuh tau manjadi akan tanggeran lewu
mandereh danum pananggak rundung hapamantai tambun,
mangat ikei tau belum hatampung kilau bua kayun sangalang
garing haring hatundun tingkah baun kayun lampesun kereng.
Ngatah tinai bitim Ranying Hatalla Langit Tuhan Tambing
Kabanteran Bulan Raja Tuntung Mantan Andau akam
mangejau ikei handiai bara kare taluh ije papa, dahyang baya,
peres badi baratus gangguran arae sampar saribu sasabutan
bitie. Akam manenga tangkalasan kasingen uluh lewu
mandereh danum kahirin rundung hapamantai tambun mangat
ikei belum panjung-panjung kilau pisang tanggan tarung, belum
tatau sanang ureh ngalawan kilau asang suhun danum raja
manggihih tingkah lawang baun andau basa bitim puna tawan
ikei raja ije mahunjun bara kakare raja awang beken kuasam
balitam jatun bara tikas kuasam.
Dia panjang riwut rawei hajamban bahing ganan tandak
isen ambun saruhin tisui babalang labatan ganan kandayung
eleh manting duan tahanjungae palus nende mijen
panyalampaya palus buli gana tandak buli batambang
salumpuk entang mules lepah lambatan ganan kandayung
mulang tantakep taterus tuyang.
xi
Buli hayak ganan tandak buli bulau pantar tatah mules
lepah ganan kandayung nyuruk rabia sadurin guntum ruwan
junjun helu.
Kuruk hambaruan ikei buli. Buli nyelem bangkusan
timpung mangat hariten halawu benteng, uka barintih halawu
upun tundu, buli hayak panyalembang untek panarang atei
parentas rawei paranjang hukum, buli hayak kayun penyang
karuhei tatau sandik patarung sangkalemu raja, hajamban
kuasam Ranying Hatalla Ikei Balaku
Kuruk Hambaruan Ikei Buli x 3
Sahiy
xii
DO’A KUMAN
Palus Inanjuku bahing ganan tandak balua bulau pantar tatah
bahanjung rabia sadurin guntum, bahi-bahing panganak andau
balua parung hai malabehu benteng siru datuh marantau ruang
je-gantung pahalendang tinggi pahalingei.
Bambahingan panyandai bulan nehus siru sari pangku
palus nyalumbu ambun tilap telu puluh manangkawet enun lime
balas hatalamping eleh tapuk tasik kapanjungan manjung
halawu tumbang lawang langit, palus sembang balai bulau
napatah hintan balai hintan napatah bulau Sali padadusan
Ranying Hatalla.
Bau ambun Andau/hamalem tuh ikei jadi tingang
hakapeleng renteng tambun randang hapampungan lingkat
mijen bentuk parung hai malabehu benteng siru datuh
marantau ruang ayun keluarga ……………… ije jadi manyadia
rangkan panginan simpan iran panyambungan sukup tuh, uka
tingang tatu Ranying Hatalla mujan danum nyalung Kaharingan
belum natisan guhung panaling aseng, mujan sangka tatamba,
panerus untek panarang atei parentas rawei paharus jalan
parajang hukum, mangat ikei kananae rangkan panginan
simpan iran panyambungan sungkup tau manjadi akan karigas,
ka-abas, batengkang tulang kilau tabalien lantang penyang,
kapintar harati, sanang mangat sanang salamat belum huang
pantai danum injam tingang tundung nasih napui burung, awi
xiii
tagal kahain kuasam jatun bara tikas kuasam, kueh bitim tau
rise rawei palakuang awat hamaring balitam kuasam ela
basuleh huang awi bitim jadi inanggare Indu Rangkang
panenkang tulang, Mina Runting Paniring uhat, Indu Lambung
panujung Tarung, Mina Timpung payun Rawei, Putir Sinta
Rantaian Ganan Behas. Tarasem Intu rangkan panginan
simpan iran panyambungan sukup, manyukup hagagian
katapas tuntang kakurang Ikei.
Dia panjang riwut rawei hajamban bahing ganan tandak
isen ambun saruhin tisui babalang labatan ganan kandayung
nyuruk rabia sadurin guntum ruwan junjun helu hajamban
kuasan tingang tatu Ranying Hatalla ikei balaku.
Kuruk Hambaruan Ikei Buli x 3
Sahiy
1
KANDAYU MANYARAH SANGKU TAMBAK RAJA
1. Sangku tambak hai pahalendang
Basuang Behas Parei Manyangen Tingang
Rukun tarahan je giling pinang
Inihang Luhing je dandang tingang
2. Sangku Tambak hai Baguna
Inyarah Bentuk Balai Paseban Raja
Taharep Uluh Bakas Tabela
Manumun Peteh ranying Hatalla
3. Sangku Jituh Basuang Behas
Pambelum Inyarah Dia Bara Tikas
Dengan Hatalla Ilaku Ka-abas
Hambaruan salamat Bereng Barigas
4. Hetuh Itah Uras Manyaksi
Ranying Hatalla te Puna Ati
Biti Bereng Daha dan Isi
Bakas Tabela Hatue Bawi
5. Hetuh Itah Manyarah Sangku
Panungkup Utus je Raja Bunu
Tutuh Kameluh je Limut Batu
Peteh Hajamban je raja Uju
2
6. Hatalla Nangkilik Jatta Nanggera
Narui Peteh Sangga Tatamba
Nyalumpuk Sangku je Tambak Raja
Akan Kalunen Sahapus Dunia
7. Sangku Inyarah Tumun Peteh
Uka Itah Uras Je Menteng Ureh
Alu Utus je Kueh-Kueh
Bereng Barigas Kahaban Keleh
8. Itah Manyarah Dia Malayan
Dengan Hatalla Je Katamparan
Uka Manenga Nyalung Kaharingan
Ingkes Intu Behas Hambaruan
9. Sangku Inyarah Intu Baun
Sangku Impunduk Je melai Hunjun
Narai Ilaku Inenga Dinun
Tuah Rajaki Je Uras Atun
10. Sangku Inyarah Dengan Bagulung
Behas Imintih Bangkusan Timpung
Panyalumpuk Entang Penyang Hatampung
Sama Belum Tatau Manyambung
3
11. Sangku Inyarah Kalutuh Helu
Imapui Manyan Sangku Inggaru
Lampang Ewau Je Mangat Tutu
Mukei Kuasan Je Raja Uju
12. Hetuh Itah Sama Mite
Intu Bentuk Je Biti Are
Bahes I-Intih Hariten Pire
Jetuh Panenga je Tutu Tege
13. Hetuh Itah Uras Mingat
Pasin Hatalla Batang salamat
Aluh Narai Bewei Kahimat
Gawi Manjadi Hayak Imberkat
14. Pasin hatalla Jadi Inarang
Cuba Irima Tuntang Ingumang
Bara Tamparae sapanja-panjang
Bakandung Behas Manyangen Tingang
15. Hetuh Itah Uras Katawan
Bentuk ungkup Utus Babuhan
Jalan Helu Tege Kalampangan
Janjin Hatalla Tantahian Huran
4
16. Itah Kaharingan Laku Imberkat
Ranying Hatalla je Mampaingat
Hetuh Utus Mamparahan Kabulat
Bereng Batuah Belum Salamat
17. Hajamban Jetuh Bulau Mandurut
Tatean Riwut Bihing Karungut
Peteh Nyai je Inai Mangut
Parit Balanga je Runjangn Riwut
18. Balanga Bulau je Runjun Riwut
Turus Panatau je Inai mangut
Muhun Pahayak Ambun Hadurut
Eweh je Tawa Tatau Basewut
19. Sarah Sangku TikasTuh Bewei
Basarah Penyang je Hinje Simpei
Mamparahan Ampin Kabulat Atei
Kaharingan Belum Penyang Karuhei
20. Sangku Inyarah umba Hatalla
Kahimat Itah Bakas Tabela
Tuah Rajaki Utus Babala
Umur Panjang Belum Baguna
5
21. Hetuh Itah Basarah Bulat
Hinje Simpei Tiruk Pampakat
Manintu Hatalla Uka Kahimat
Bereng barigas Itah salamat
KANDAYU MANTANG KAYU ERANG
1. Atei Itah Halajur Manggenang
Maniruk Auh Te Sapanjang-panjang
Auh Lunas Jalan Malempang
Panamuei Randung Banama Tingang
2. Banama Muat Paramun Gawi
Ije Mahin Dia Ati Balihi
Tarantang Garu Due Puluh Ije Biti
Puat Banama te Sampan Jadi
3. Banam Tanggar te Dia Tiling
Itah Samandiai Uras Mahining
Palus Inulak Auh Bataling
Raja Ngarangan Je balai Mihing
6
4. Tulak Banama Kitar Gantau
Naharep Matan je Andau Tumbu
Panamuei Banama Gulung Pahuru
Umba Kakare Taluh Inggau
5. Auh Kandayu Sasar Basikap
Banama Mahalau Ambun Tantilap
Panjungan Manjung Inuju Ancap
Lawang Haselan Kalawet Batatap
6. Manjung I-Urik Dia Narusan
Tende Balaku Sawang Kaharingan
Tihang Banama Murik Jalayan
Namuei Danum Tatau Nyahukan
7. Tamuei Banam Paham Bagulung
Dia Nyarita Je Luwuk Tanjung
Banama Tingang Paparantung
Tende Lewu Bukit Ambun Bagantung
8. Banam Tingang palus Tende
Mantir Mantang Rahan Dare
Putir Santang Ewen Hanyahe
Raja Kameluh Bawi Hatue
7
9. Mantir Mansanan Ampin Jalana
Untung Rajaki Inenga akae
Lilis Lamiang Hapan Manduae
Bakam Supu Hapa Nyarangae
10. Gawin Mantir Uras Jadi
Limbas Balaku Ewen Nanjuri
Lumpat Banama Mengkak Tali
Banama Haguet Dia Balihi
11. Tamuei Banama Dia Bambilit
Nanturung Tumbang Je lawang Langit
Raja Tantilap je Utus Rihit
Asun Bulan Manjijit Huit
12. Lawang Langit Haluan Banama
Jamban Sangiang Mantir Balua
Bukit Masuluh Bintap Tantawa
Tende Lewu Bukit Tambak Raja
13. Ampin Tamuei Banama Bagulung
Tende Nyabau Rahan Timpung
Uluh Are Rata Hapumpung
Ungkup Babuhan Laut Mangantung
8
14. Handue Raja Mendeng Najuri
Rahan Timpung Umba Nyai siti
Umur Panjang Tuah Rajaki
Banama Bantulak Rahui Ngamburi
15. Banama Namuei Hararahan
Murik Tumbang Kasebahan
Burung Metu Macam Bakuyan
Lauk Bilis Ranying Manjuhan
16. Panamuei Banama Dia Panjang
Murik Pantai Danum Sangiang
Raja Tatau Labih Sanang
Mina Bulau Telu Karung Kajang
17. Tende Banama je Kanjanjulu
Raja Mantir Mendeng Balaku
Umba Raja Burung Metu
Takar Gantang Inenga Telu
18. Banama Namuei Hai Pahalendeng
Mantir Mandulang Untung Panjang
Murik Pantai Danum Sangiang
Sampai Tumbang Ulang Hagandang
9
19. Labehu Eka Tambun Baputi
Talagan Tuah Talangan Rajaki
Akan Gagenep Uluh je Ati
Bakas Tabela Hatue Bawi
20. Tamuei Nyadar Randung Banama
Mamua Balai Lambang Palangka
Eleh Hakanderang Jadi Hakaja
Umba Panatau Tingang Rangga
21. Mantir Mendeng Palus Hagatang
Mahining Auh Kanderang Tingang
Harandue Raja Mambuka Lumpung
Sarangan Bulau Untung Aseng Panjang
22. Banama Miar Jala-Jalan
Murik Batang Danum Jalayan
Pahalendang Lewu Palus Gitan
Bagare Kaleka Batu Nindan
23. Banama Sampai Kaleka Lewu
Bua are Macam Baribu
Genep Batang Masak Manuru
Teras Sawang Salanja Sanselu
10
24. Mantir Marentah Tarantang Garu
Lumpat Maname Huma Ungku
Sampala Namuei Uras Ilaku
Behas jite Ije Paham perlu
25. Bihis-bihisa Tarantang Garu
Mimbit Tintue Sama Baramu
Babaran Garing Karungan Metu
Manuk Bawui Lakang Buku
26. Bagantung Banama Tende Batahan
Manunggu Masak Bari Panginan
Teras Sawang Entang Pakanan
Ganan Luyang Bawin Balian
27. Raja Mantir Haguet Manyampan
Bahata Tambak Tuntang Panginan
Tuntang Balai Sarin Kambungan
Akan Likut Kaleka Batu Nindan
28. Raja Dumah Puat Sadia
Uluh Lewu Kaleka Due Biti Umba
Babaran Garing Imuat Kea
Ampar Dulang Langgei Parada
11
29. Lasang Dumah Hai Pahalendang
Mantir Mandui Salumpuk Entang
Intu Talagan Untung Aseng Panjang
Rajaki Tuah Belum Tatau sanang
30. Mantir Dumah Mendeng Najuri
Lewu Tamparan Ulun Tuh ati
Raja Kameluh Putir Nyai
Raja Uju Kanaruhan Basaki
31. Limbah Raja Mendeng Mujan
Salumpuk mandui Nyalung Kaharingan
Teras Sawang Laluh Ngarangan
Jamban Injilit I-halalian
32. Banama Tulak Ampin Jadi
Batu Nindan Jadi i-ilihi
Hayak Auh Paham karami
Tapuk Tasik Ngantung santagi
33. Panamuei Banama Dia Kejau
Mahalau Tasik Rampang Matan Andau
Are Eka Ije Ihalau
Sembang Banama Huang Ije Pulau
12
34. Hining Itah Bara Bahut
Kinjap Uluh tau Manyewut
Banama Namuei Dia Maliut
Jete Bagare Pulau karungut
35. Murik Danum Barirai Parantung
Mahalau Lewu Bukit Batengkung
Buntut Nusa Kilat Lambayung
Tarusan Kumpang Tame Bagulung
36. Banama Tapuk Danum Jalayan
Batang Danum Menteng Bajaman
Bukit Sua Tintun Tujuan
Tende Banama Tekap Malayan
37. Hangkalime Mantir Najuri Magun
Umba Raja Rawing Tampung Telun
Tuntang Kameluh Tempun Tiaawun
Taluh Inggau Uras Atun Dinun
38. Jadi Inanjuri Haguet Banama
Rawing Tempun Telun Mahin Umba
Murik Nalatai Kare Lewun Raja
Tarusan Pahuru barantai I-huru Kea
13
39. Tapuk Batang Danum Sangkalila
Danum Tatau Baranuha
Tengan Awi Ranying Hatalla
Tende Lewu Bukit Kasinta Raja
40. Sampai Bukit Sinta Kasambuyan
Mantir Lumpat je Rahan Runjan
Panamuei Jalanae Uras Insanan
Sangomang Lentar Rata Katawan
41. Bukit Sinta Jadi I-Nggawi
Banama Inulak Mujan Kea Jadi
Murik Tarusan Nyalung Nantiri
Manyundau Tanparan Je Itah Ati
42. Panamuei Banama Kejau Ingguang
Tapuk Tasik Riak Mihing Sambang
Nyamah Menelak Baner Sangkuang
Simpei Karuhei Kaleka Huang
43. Murik Danum Simpei Karuhei
Danum Hasahep Penyang Karuhei
Lasang Timpung Injam Bewei
Hapan Mantir Nangkaje Rawei
14
44. Dumah Mantir Nyampan Jalanae
Supun untung Lamiang Induae
Entang Tingang Tintun Tujuae
Bakan Batu Eka Nyarangae
45. Banama Haguet Murik Laju
Eleh Tapuk Tasik Sangkalemu
Pahalendang Banama Bahalap Tutu
Raja Ngarangan Je Ewen Telu
46. Haluan Banama Sangomang Bahut
Ie Manelak Rasau Kaput
Hayak Tarusan Ambun Hadurut
Tatau Nyahukan Tasik Basewut
47. Ampin Banama Jalanae Rangkah
Banama Tapuk Tasik Manuah
Sangomang Haluan Je-Japan Tatah
Lampang Ije Kabawak Kandarah
48. Pantar Nyalung Bukit Batu jadi Gitan
Raja Telu Uras Jadi Katawan
Nutung Garu Mapui Manyan
Murik Batang Danum Bapantis Runjan
15
49. Mahalau Bukit Are Tutu
Hakayun Penyang Karuhei Sangkalemu
Uju Bukit Ije Bantantu
Banama Tende Huang Laut Lewu
50. Bukit Uju Bara Tinggang
Banama Tende Huang Laut Batang
Mantir Balua Jamban Ingancang
Manarui Jalanae Banama Tingang
51. Janjulanan Banama manamuei
Ije Inggau Uras Tege Bewei
Bungai Langit Rajan Manyamei
Tende Bukit Tampung Karuhei
52. Bara Hete Banama Batulak
Limbah Dinun Kare Kahandak
Umba Bapae Raja Hakutak
Indue Inyundau Tamparan Sulak
53. Banama Tulak Tame Tarusan
Tapuk Batang Danum Letai Runjan
Panamuei Hindai Tau Malayan
Tende Banama Nyambau Rahan
16
54. Rahan Kameluh Indu Nyai Inai mangut
Nyai Mahaga Runjan Riwut
Eweh Sundau Tatau Basewut
Sandik Karuhei Penyang Sambalut
55. Batulak Tinai Banama Manuju
Tarusan Bulau Sangkalemu
Panamuei banama Paham Laju
Tapuk Tasik MandalanRaja Uju
56. Bukit Linda Bulan Eka Tende
Mantir Lumpat Rahan Dare
Raja Kameluh Uras Tege
Uluh Danum Karimoi Kampeleng Hete
57. Raja Mantir balaku Untung
Banama Palus Haguet Bagulung
Bulau Namburak Tarusan Nanturung
Tapuk Tasik Gandang Ngarambang Harantung
58. Banama Dimpah Dia bambilit
Nanturung Danum Hintan Natimbung Langit
Gadung Gasa Balai Masigit
upun Garing Tungket Langit
17
59. Panamuei Banama Je jala-jalan
Murik Tusan Garing Habusung Rujan
Palus Tapuk Tasik Handaran
Hayak Tende Intu Ije Rahan
60. Tulak Banama Tinai Bajalan
Limbah Jadi Maja Rahan
Tame Tinai Ije Tarusan
Tapuk Tasik Kaharingan
61. Telu Raja Tunggal sangomang
Palus Naturung Ije Pahalendang
Batang Garing Tau Nganderang
Mangkuk Amat Jaya Nyangiang
62. Uras Jadi Taluh Ilaku
Bantulak Tinai Raja Telu
Limbah Manyundau Tingang Tatu
Murik Danum Nyalung Marakunju
63. Panamuei Banama Je paham Panjang
Manyarahan Pantai Danum Sangiang
Mandulang Bulau Untung Panjang
Tapuk Tasi Jaleang Tingang
18
64. Banama Namuei Jajalan Kejau
Supun Untung Are Inyundau
Benang entang Kandarah Bulau
Tapuk Tasik Pawah Bulan
65. Panamuei Banama Je Panjung-Panjung
Telu Haramung Pandulang Untung
Akan Itah Tatau Manyambung
Palus Tapuk Tasik Malambung
66. Dimpah Tasik Malambung Bulau
Gitan Pahalendang Ije Bulau
Jamparan Banama Dia Ihalau
Tende Manduan Kare Panatau
67. Haguet Banama Paparantung
Tamuei Raja Telu Paham Bagulung
Nyandar Batang Lunuk Bagantung
Tapuk Danum Nyalung Batengkung
68. Raja Telu Ewen Hakanduang
Banama narusan Salat sawang
Danum Mendeng Nantimbung Langit Ije Ingguang
Tende Bukit Bulau kagantung Gandang
19
69. Kagantung Gandang sampai jadi
Raja Telu Batatap Biti
Mingat Kasaktian sapire Ije Ati
Ewen Telu Palus Mandai
70. Mendeng Raja Tunggal sangomang
Lumpat Lewu Bukit Kagantung Gandang
Pakaian Sukup Batun Penyang
Duhung Hintan Intu Kahang
71. Pakaian Uras Ihapan jadi
Raja Telu Haguet Mandai
Tisin Bulai Sinta Mani
Ie Mahapan Aran raja Putar Tiki
72. Mangkepan Tisin Sinta Mani
Kayu Erang Palus Indai
Tamparan samandiai Uras Ati
Uka Kare Gawi Uras Tau Manjadi
73. Mendeng Hayak Raja Telu
Uras Manuju Upun Kayu
Erang Tingang Gambalang Nyahu
Tuntang Kayu Pampang saribu
20
74. Ampin Raja Tunggal Sangomang
Sampai Upun Kayu erang
Hete raja Mendeng Manimang
Tempun Gawi Je Tatau sanang
75. Timang Erang Saraba Jadi
Janjin Hatalla Lalus I-Awi
Pa-Intih Hatalla Ije Mandai
Tikas Sangomang Ije Biti
76. Tungking Langit Palus Mandai
Kayu Erang Sulak Ati
Batang erang Kayu Sakti
Edae Bungking je sapan Jadi
77. Hete Sangomang Melai Bajanda
Duhung Inyilak Hapan Mambuka
Buking Ranggan Gitae Huma
Eka Kameluh anak Hatalla
78. Kameluh Bulan Bawin jatta
Kameluh Anak ranying Hatalla
Supun Untung Ilaku Raja
Nyalung Kaharingan Induae Kia
21
79. Talangan Tuah Lampekung Rajaki
Uras Imekat Tuntnag Injawi
Kahimat Mangat Tau Manjadi
Samandiai Maksud Je Kurik Hai
80. Taluh Handia Uras Dinun
Ampin Raja Handak Muhun
Utus Rahit Tilap Muhun
Samandiai Maksud Je Kurik Hai
81. Uras Muhun Raja Telu
Bara Kayu Gambalang Nyahu
Pusaka Baguna rata Dinu
Kaharingan Belum Penyang Sangkalemu
82. Raja Telu Hakanduang
Limbah mandai Mantar Pinang
Manyundau Raja angking Penyang
Tuntang Kameluh Putir salung Tamanang
83. Dengan Angking Ewen Balaku
Sapire Bewei Ije Tau
Supun Untung Bulau Sangkalemu
Kare Tangkalasan je BUnu hantu
22
84. Ngantung Gandang Sukup Gawi
Raja Mantir Mendeng Nanjuri
Hakaliling sapire je Ati
Rajan Kameluh Pire-pire biti
85. Kagangtung Gandang Sukup Gawi
Ilalus Raja Telu Biti
Mampandui salumpuk Sapire Ati
Mangat Batuah Belu Marajaki
86. Tulak Banam bara Lewu Bukit
Jarat I-Engkak palantar Injijit
Supun Untung Uras Imbit
Danum Mendeng nantimbung langit
87. Panamuei Banam dia Kejau
Tapuk Batang Danum Banyahu Bulau
Hetuh Are Taluh Inyundau
Kayun Penyang Karuhei Tatau
88. Ayun balai Sarin Kambungan
Mangat Tatau Uras Katawan
Panamuei banama Murik jalayan
Mimbit Salumpuk Entang Bakawang
23
89. Labehu Handalem riam hatuntung
Banam Tapuk Tasi Sari Gandung Untung
Tende Majala Lauk Untung
Eweh Je Kumae tatau Manyambung
90. Haguet Banama Murik Harantean
Ungkup sawang Sapire Je Gitan
Raja Telu Namuei Kabajuran
Bukit tanjung Eka Tujuan
91. Bukit Tanjung sampai Jadi
Tende Ungkup sawang Gawi
Uluh Are Panggil Barami
Banama Bajarat Imeteng tali
92. Hetuh Banama Ba-Ungkar Puat
Lakang Buku Impalumpat
Indang Salangking Apang Salamat
Bagawi Karas Atei Bahimat
93. Rata Jadi Gawi-gawian
Masak Uras Bari Panginan
Panggil Are Biti Bakuyan
Uras Inyurung Tuntang Nyarungan
24
94. Limbah Ngantihan Hapantar Pinang
Sama Ngantung tulang Batekang
Telu Raja Hakanduang
Ewen Mimbul Batang sawang
95. Ewen Mampendeng Batang Sawang
Bawin Sandah Je Nangkasiang
Kayun Karuhei Akan Karambang
Sirat Bulau Je Hakalingkang
96. Samandia jadi Gawin Karambang
Telu Raja Mendeng Mangkang
Batang Sawang Palus Inimang
Tempun Gawi Je Tatau Sanang
97. Gawi Uras Jadi Sadia
Upun Sawang Jadi Inata
Bakam Nyalung Kaharingan Impalua
Tengan Awi Ranying Hatalla
98. Limbah Jite Panggil Bakarak
Buli Ekae Tintun Kahandak
Kilau Ampin Ampah Bakarak
Banama Tingang Handak batulak
25
99. Banama Musuh Danum Banyahu
Manyarurui Jalae Ije Helu
Supun Utnung are Ilaku
Ianjuri kareh Je Sampai Lewu
100. Pambulin Banama Paham Bagulung
Tapuk Tumbang Panjungan Manjung
Palus Masuh Paparantung
Tilap Ambun Lepah Nanjung
101. Panamuei Randah Banama Buli
Sampai Eka Tempun Gawi
Palatar I-Uluh Injarat Tali
Tatamba Hila Lawin Kamburi
102. Banama Tingang Jadi Dumah
Mimbit Untung Rajaki Tuah
Karuhei Tatau Penyang Panyampah
Tampalawei Andau Je Durut Sawah
103. Andau Sawah Tarang Balawa
Kare Gawi Tinai Nampara
Rangkan Panginan Uras Impalua
Bara Balai Lambang Palangka
26
104. Matan Andau Jadi Gantung
Raja najuri Supun Untung
Kayun Karuhei Penyang Hatampung
Bara Ngambu Tasik Malambung
105. Panginan Uras Jadi sadia
Piring Saling Akan Impalua
Bangkusan Timpung Uras Iriksa
Bungkar Puat Randung Banama
106. Baungkar Puat Banama Tingang
Behas Timbuk Malabien Gantang
Balua Singah Malabien Timbang
Depen Uei Hanjuju Gawang
107. Raja Telu Hakanduang
Mamenteng Manas Nelun Lamiang
Jamban Karuhei Utnung Panjang
Panyalembang Untek Tuntang panarang
108. Buwur Behas Hambaruan Rata Jadi
I-Hantuk Imalas Hayak Inyaki
Hampatung Tuah Dengan rajaki
Kahapus Hakekat Niat Gawi
27
109. Palempang Jalan Tikas Tuh Helu
Hajamban Riwut Bihing Kandayu
Insanan Awi Je Raja Uju
Akan Panungkup Raja Bunu
110. Kalutuh Auh Jalan Malempang
Nyarita Tamuei Banama Tingang
Ije Ngarange Raja Tunggal Sangomang
Manalih Batang Kayu Erang Tingang
111. Mangat Itah Rata Katawan
Tamuei Banama Murik Jalayan
Jalanae Balaku Nyalung Kaharingan
Kayun Penyang Panatau Panuhan
112. Uras Sukup Taluh Indinu
Awi Raja Ewen telu
Lepah Inajuri Kalutuh Helu
Kayun Penyang Je sangkalemu
113. Auh Malempang Kalutuh Bewei
Kahanjak Huang Narui Parawei
Kakare Auh Keleh Inyimpei
I-haga I-rima Je Huang Atei
28
114. Jalan Malempang Tende Helu
Tende Kea Riwut Kandayu
Mahapan kandayu Rawei Balemu
Basarah Akan Hatalla Ngambu
KANDAYU PARAWEI
1. Nyahu Hai Paham Bataling
Marawei Utus Uluh Kalilig
Kilau Pahiau Suling Garinding
Nasa Kaharingan Balai Mihing
2. Kilat Panjang Nyau Batengkung
Nyahu marawei Utus Baagulung
Tegah Uap Je Gandung Untung
Dimpah Rahusan Tasik Malambung
3. Batengkug Hiau Nyahu Hai
Marawei Utus Dia Suali
Murik tarusan nyalung Nantiri
Manyundau Tamparae Je Itah Ati
29
4. Metuh Kaput Je Dia Gitan
Hatalla Manyewut Auh Tamparan
Hamauh Manyewut Intan kaharingan
Kaput Hapisah Palus Sabahan
5. Langit Petak Jadi Balawa
Ulun Kalunen Jadi Inampa
Taluh Handiai Saraba Injapa
Kalute Sulak Gawin Hatalla
6. Peteh Mandehen Ranying Hatalla
Umba Kalunen Ije Inampa
Nyuang Petak Nguntep Dunia
Ela Manggawi Taluh Je Papa
7. Nyahu Hai Ayun Hakumbang
Hayak Kilat Je Paham panjang
Bara Bukit Kagantung Gandang
Balua Tahanjungan Je Kayu Erang
8. Nyahu Hai Kilat Balawa
Auh Peteh Ranying Hatalla
Kaharingan Tatap Dehen Ihaga
Sampai Petak Langit Inaheta
30
9. Auh Nyahu Kilat Batantu
Manyarurui Tamparan Talu Helu
Inyaksi Indehen Raja Uju
Kaharingan Marawei Dia Balemu
10. Nyahu Hai Kilat Balawa
Jamban Peteh Ranying Hatalla
Maparendeng Itah Ela Laya
Kaharingan Jete Jalan Balawa
11. Kilat Panjang Nyahu Hakumbang
Balua Bukit Nganderang Tingang
Raja Uju Ewen Hakanduang
Kaharingan Nyarurui Ela Layang
12. Ujan Labat Kilat Nyahu
Kaharingan Jalan Tanduhan Helu
Peteh Hatalla Dia Balemu
Marawei Utus Je Raja Bunu
13. Kilat Panjang Nyahu Ngaruntung
Riwut Marawei Penyang Hatampung
Sama Mananggar Gantang Utung
Ulun Uras Tatau Manyambung
31
14. Kalute Kapaham Auh Parawei
Balaku Penyang Hinje Simpei
Inyimpei Indehen Huang atei
Murik Tarusan Balawang Kandayu
15. Auh Palempang Baguna Tutu
Akan Utus Je Raja Bunu
Tutuh Kameluh Balimut Batu
Peteh Muhun Je Bara Ngambu
16. Auh Parawei Tikas Tuh Helu
Hajamban Riwut Rawei Kandayu
Manyarurui Peteh Hatalla Ngambu
Peteh Muhun Je Bara Ngambu
17. Ampin Pasin Ranying Hatalla
Akan Itah Sahapus Dunia
Balai Kaharingan Tege Inampa
Jamban manyimpei Peteh Hatalla
32
KANDAYU AKAN PENGANTEN
1. Itah Mahining Rawei Kandayu
Balaku Berkat Hatalla Ngambu
Ngandayu Mandurut Raja Uju
Mangawin Utus Je Rasa Bunu
2. Kandayu Jituh Rawei Manimang
Manimang Mandurut Putir Santang
Mandurut Manimang Je Batang Sawang
Panganten Matuh Je Batang Panjang
3. Raja Uju Mendeng Manyaki
Ketun Ndue jadi Hajanji
Hanjean Ndue Pahinje Biti
Jatta Nangera Hatalla Masi
4. Ketun Ndue Jadi Hapakat
Insaksi Ingawin Je Sukup Sarat
Raja Uju Jadi Baniat
Ranying Hatalla Jadi Mamberkat
5. Nyaki Mandurut Untung Panjang
Kahum panyampah garing Narantang
Ndue Ingawin Jadi Inarang
Tumun Pelek Indang sangomang
33
6. Mambuwur Behas Meteng Lamiang
Sangkum Bulau Untung Panjang
Berkat Hatalla Jadi I-nimang
Ketun Ndue Nyarurui Je Ela Layang
7. Peteh Hatalla Ela Kalapean
Janjin Kangkeret Tantahian Huran
Ma-amal Sinta Jite Pedoman
Mangat sampai Uka Tujuan
8. Hormat Umba Je Indang Apang
Mangat Belum Baumur Panjang
Tundah Kula Uras Inimang
Mangat Belum Batuah Tatau sanang
9. Kabehu Kasingi Ela Mahapan
Kabisit Kakuhu Uras Inganan
Keleh Belum Je Kabajuran
Kalute Peteh Hatalla Huran
10. Basarah Ngandayu Je Rajin Umba
Manara Aran Ranying Hatalla
Kakare Auh Ije Baguna
Akan Ajar Anak Esu Dapit Jeha
34
11. Basarah Ngandayu Paham Baguna
Amal Belum Huang Dunia
Panaturan Halajur Jete Imbasa
Kutak Kandayu Jete Irima
12. Pampeteh Hatalla Jadi Inarang
Ketun Ndue Belum Sapanjang-Panjang
Belum Nyamah Hentang Tulang
Sampai Hinje Je Sandung Mantang
13. Tikas Tuh Helu Rawei Kandayu
Ngandayu Mandurut Je Raja Uju
Mangawin Utus Je Raja Bunu
Mamenyang Peteh Hatalla Ngambu
35
KANDAYU AKAN ULUH MISEK
1. Ayu Itah Sama Nganderang
Ranying Hatalla Ije Ingguang
Balaku Simpei Je Bambang Penyang
Uka Manjadi Je Itung Huang
2. Balaku Kahandak Uras Manjadi
Sarurui Hisek Saruhi
Sahur Parapah Nyarurui Biti
Ranying Hatalla Hadurut Masi
3. Kalute Angat Je Kanahuang
Alaku Berkat Karuhei Penyang
Tau manjadi Kanahuang
Sarurui Hisek Tuntang Hakumbang
4. Tuntang Tinai Ije Mambatang
Peteh Ranying Hatalla Usang
Uluh Hisek tuntang Hakumbang
Nggau Hinje Je Simpei Penyang
5. Bawi Hatue Kawan Pambujang
Hakaja Pating ela sambarang
I-atur Bahalap Simpei penyang
Harus Mahaga Tanduhan usang
36
6. Itah Rajin Basarah Ngandayu
Rajin Manara Hatalla Ngambu
Hadat Dasar Bahalap Tutu
Kalute Bawi Atawae Hatue Je Nggau
7. Tikas Tuh Helu Auh Kanderang
Nganderang Laku Karuhei Penyang
Balaku Hatalla Malalus Kanahuang
Tuah Rajaki Je uras Lampang
KANDAYU PANGATEN MELAI BALAI
1. Itah Riak Je Tangkayahan
Garing Tarantang Duhung Jumban
Batanjung Lawang Parantaran
Sama Manuju Balai Paseban
2. Itah sama Je Hanjak Rantang
Impahayak raja Uju Hakanduang
Ringkin Talumbang Batu Lawang
Manggapung Panganten Garing Tarantang
37
3. Tarantang Itah Je Hanjak Rata
Nanturung Balai Paseban Raja
Sali Padadusan Ranying Hatalla
Uka Manarima Berkat Je Baguna
4. Balaku Asi Je Hai Tutu
Dengan Ranying Hatalla Ngambu
Masi Utus Je Raja Bunu
Tutuh Kameluh Je limut batu
5. Batanjung Lawang Je Parantaran
Dahinag Baya I-laku Kabujuran
Pahayak Asin Je Kanaruhan
Jeleng Haseban Balai paseban
6. Jatta Nangera Hatalla Masi
Pahayak Tarantang Kareh Bajanji
Jangga Jangkarang Uras Masi
Panganten Hanjean pahinje Biti
7. Hadurut Uras Putir santnag
Mangat Nyarurui Bambang Penyang
Nyarurui Jarin raja Hakanduang
Nyaki Hajamban Untung Panjang
38
8. Tanturan Kawin Tumun Helu
Tunggul Garing Limut Batu
Endas Bulau Garing Hatungku
Ingawin Imberkat Awi Raja Uju
9. Ingawin Imberkat Jatta Hatalla
Uras Inenga Kia Kuasa
Kuasa Najuri Tandak balua
Narinjet Anak Jatta Hatalla
10. Anak Jatta Hatalla Je Katamparan
Linggar Langit Je Jaman Huran
Tuntang Kameluh Bajarumat Hintan
Ketun Ndue Hapakat Bajaman-Jaman
11. Kanuhan Anak Jatta Hatalla
Nyalamat Kalunen Huang Dunia
Peteh ela Manggawi Taluh Je Papa
Mangat Hambaruan Buli Ije Kuasa
12. Raja Kameluh Ije Mambatang
Mandohop Itah Sapanja-Panjang
Mandurut Bulau Untung Panjang
Sangkum Panyampah Garing Narantang
39
KANDAYU KATIKA NAHUNAN
1. Itah Niring Rawei Kandayu
Balaku Berkat Hatalla Ngambu
Nahunan Utus Raja Bunu
Nyarurui Pelek tingang Bue Tatu
2. Bidan Palus Nggatang Metang
Balua Parung marantau ruang
Masuk Hejen Nyingkap Pakang
Sangkum Kayun Je Bambang Penyang
3. Karungut Auh Je Burung Linggu
Melai Tahanjungan Je Pinang Lewu
Kabajuran Bitim Tingang Esu
Hapanduyan Danum Kalang Labehu
4. Palus Nasuhan Hejan Pakang
Nekap Uras Kayun Penyang
Bidang Palus Sampai Batang
Nyaluhut Palus Garing Tarantang
5 Bidan Natilang Nyalung Jatta
Awang Basial Dia Baguna
Nantilang Uras Nyalung Je Papa
Narusan Kalangan Labehu Penda
40
6. Palus Tarantang Pandui Pasewut
Mandui Panduyan hatalla Ngambu
Uei Sawang Ranying Bunu
Mantis Penyang Je Sangkalemu
7. Mandui Nyalung Panduyan Jatta
Napupuk Guhung Ranying Hatalla
Sangkum Pantis Panyangka Tatamba
Mangat Tarantang Belum Baguna
8. Sambil Mandui Panduyan Jatta
Bidan Hamauh Hayak Bajapa
Saumur Belum Huang Dunia
Tarantang Mandinu Berkat Hatalla
9. Jadi Madnui Bidan Mentang
Palus Nanjung Tanggui Malinggang
Palus Mandai Hejan Pakang
Maut Pakang Je Bambang Penyang
10. Bidan Sampai Tiwing Panjang
Petek Sintel palus Manambang
Tapajakan Kameluh bara Tumbang
Tapajakan raja Tunggal sangumang
41
11. Bidan Miar Hamauh Kia
Balaku Berkat Ranying Hatalla
Kabajuran Uras Dahiang Baya
Palus Nyelem Labehun Huma
12. Tarantang Nyawau Labehun Huma
Gawin Bidan Huang Kuasa
Hajamban Behas Tambak Raja
Nyingkap sawang nangkenya Hatalla
13. Tarantang Nahunan jadi Inarang
Nabasan Raja Hakanduang
Mendeng Nokiu Indang Apang
Nyikap bapahan Je Kayun Penyang
14. Bidan Harui Terai Mimbing
Tarantang Bablai Bidang Talamping
Lumpang Toso Palus I-Imbing
Anak Nangkenya Auh Bataling
15. Huang Hete Kalunen Rata
Bawi Hatue Bakas Tabela
Malalus Peteh Ranying Hatalla
Manyaki Tarantang Mahapan Daha
42
16. Tarantang Inyaki Mahapan Daha
Hayak Imeteh Auh Baguna
Tarantang Belum Huang Dunia
Bingat Peteh Ranying Hatalla
17. Peteh Ranying hatalla Huran
Akan Kalunen jadi Insanan
Huang Kitab Je Panaturan
Jite Kilau Petunjuk jalan
18. Babalai Garing Tukang Tuyang
Menyang Karungut Indang Apang
Karungut Ngandayu Kilau Manimang
Mameteh Anak Garing Tarantang
19. Garing tarantnag Jadi Nahunan
Tumun Pelek tatu Huran
Jite Kilau Patunjuk Jalan
Penyang Tarantang Andau harian
20. Tikas Tuh Helu Rawei Kandayu
Nahunan Ungkup Je Raja Bunu
Manumun Pelek Je Bue Tatu
Mamenyang Peteh Hatalla Ngambu
43
21. Auh Kandayu Paham Baguna
Jite I-Nyimpei tuntang Irima
Amun Tarantang Bakas Jeha
Ela Nalingau Peteh Hatalla
22. Peteh Hatalla Jadi Insanan
Huang Kadayu tuntang Panaturan
Jite bujur Je Kabajuran
Inetei tarantang Andau Harian
23. Itah Kalune Jadi Nahunan
Nyarurui Pelek Tanduhan Huran
Ela Nalingau Je Kharingan
Harus Imbina Saumur Jaman
KANDAYU MALUPUT HAJAT
1. Ayu Itah Bakas Tabela
Basarah Ngandayu Sama-sama
Basarah Manara Ranying Hatalla
Awi Berkat Jadi Inenga
2. Itah Basarah Maluput Hajat,
Dengan Parapah je Sahur Sambat
Ranying Hatalla Dumah Mamberkat
Manenga Sampai Kare Hajat Niat
44
3. Tabe Salamat Lingu Nalatai
Ayu Basarah Itah Handiai
Umba Kaharingan Ela Barangai
Hajat Niat Tuh Jadi Sampai
4. Keleh Halajur je Hanjak Rantang
Tarung Itah Rata Hagatang
Asin Hatalla Jadi Inarang
Jete Irima Palus Imenyang
5. Awi te Akan Bakas Tabela
Ungkup Kaharingan tuh Ela Laya
Berkat je Dinun Jete Ihaga
Mangat Lampang Halajur Sewut Sarita
6. Tuntang Tinai Ela Kalapean
Palampang Tarung je Kaharingan
Mangkar manyiwuh Penyang Pasihan
Basarah Marawei Kula Jalahan
7. Belum Bahalap Ba-atei Bujur
Mangejau Taluh Ije Mandaur
Angui Malengai Ela Hakumpul
Jite Pangingat Sahapus Umur
45
8. Tuntang Tinai Ela Laya
Keleh Umba Peteh Ranying Hatalla
Awi Tikas iye Paling Kuasa
Eweh je Laya Ie Hayang Mananya
9. Awi Kalunen Huang Dunia
Aluh je Menteng Hayak Balinga
Jatun Ati Ije Kuasa
Ije Nyambalut Kalunen Tikas Kuasa
10. Awi Tagal te akan ulun Kalunen
Aluh Kalingae Je Kilen-Kilen
Kekuatan Berenge Dia Tara Reken
Uras Nibau Malihi Kalunen
11. Itah Jadi Katawan Rata
Pambelum Kalunen Huang Dunia
Uras Eka Minjam tuh sementara
Akan Je Layau Hayang Mananya
12. Bele Layau Bara Auh Hatalla
Panaturan Kandayu Jete Ihaga
Panaturan Kandayu Paham Barega
Jatun Suntue Jatun jei Manyama
46
13. Tikas Tuh Helu Auh Kandayu
Kandayu Manara Hatalla Ngambu
Berkat Hatalla Jadi Dinu
Katika Basarah Tarung Batantu
KANDAYU ANAK SAKULA
1. Ayu Itah Sama Bahajat
Mandurut Kayun Sapa-Ingat
Mangat tarantang Sakula Tamat
Balaku Hatalla Umba Mamberkat
2. Kalute angat je Kanahuang
Hajamban Raja Uju Hakanduang
Sapaingat Tandak Panyalemembang
Balaku akan Garing Tarantang
3. Tarantang sakula Je Kabajuran
Ela Nangkenya Je Sumping Bulan
Palin Sapa-Ingat ije Ihapan
Bele Sakula Batal Dia Karuan
47
4. Tinai Amun Jadi Sakula
Ajar Guru Jete Ingguna
Balaku I-Misit Ongkos Balanja
Akan Ketun Handiai Awang Tabela
5. Bawi hatue Je Umba Guru
Ela Mahapan Kutak Tanjaru
Ela Ketun Mikeh Balaku
Tingak Ajar Kakare Ilmu
6. Tarantang Sakula Giat Balajar
Mangat Tarantang Harati Pintar
Mandurut Uras Je Pikir Akal
Huang Sakula te Ela Nakal
7. Kandayu Jituh Auh Mameteh
Mangat Tarantang tutu Mayeneh
Aluh Narusan Sakula Je Kueh
Balajar te Ela Je Baka Ureh
48
8. Bahajat Bamiat Je Ela Kurang
Hambaruan Behas Manyangen Tingang
Manyampai Raja Uju hakanduang
Mijen Lewu kagantung Gandang
9. Rajin Basarah Tuntang Ngandayu
Hajamban Basarah Itah Balaku
Umba Ranying Hatalla Ngambu
Mangat Masi Utus Raja Bunu
10. Ganan tandak Halajur Maja
Malinggar Langit Raja Kuasa
Manyampai Balai Ranying Hatalla
Napatah Bulau Paseban Raja
11. Balaku Ketun Ela Ngalapean
Ranying Hatalla Je Katamparan
Ie Nantisan Nyalung Kaharingan
Hayak Mandehen Bulau Hambaruan
12. Amun Tarantang Tamat Sakula
Ingat Peteh Ranying Hatalla
Kaharingan Tetep Dehen I-haga
Nyamah Petak Langit Inaheta
49
13. Balaku Ketun ela Mambuka
Jalan Angui Tame Nyaranta
Keleh Rajin Badeder Ngandayu Mansana
Mandehen Peteh Ranying Hatalla
14. Ngandayu Mansana Ela Halisang
Mansanan Kahalap Pantai Sangiang
Peteh Mandehen Jete Mambatang
Mangat Pambelum Te Tatau Sanang
15. Kalute Kia Umba Pander sarita
Dengan Jalahan, ie Tundah Kula
Kutak Pander I-atur Rata
Ingat Halajur Ranying Hatalla
16. Akan Ungkup Itah Kaharingan
Auh Gawi Jadi In-Sanan
Mangat Kalunen Rata Katawan
Ampin Kabujur Tanduhan Huran
17. Atun Tinai Ije Mambatang
Aluh Manajung Pahewan Antang
Ela Sampai Hambaruan Layang
Mangat Tarung Lampang Hagatang
50
18. Aluh Nyelem Kalang Labehu
Dia Baka Tau Je Giring Bulu
Ela MIkeh Itah Balaku
Itah Manetei Tanduhan Helu
19. Aluh Kankueh Namuei Halisan
Ela Marusak Je Itung Huang
Ela Mikeh Itah Manarang
Peteh Hatalla Jete Mambatang
20. Aluh menda Nyahu Batengkung
Ela Gaer Bitim Bitim Mananjung
Mangat Tau Hagatang Tarung
Peteh Hatalla Hete I-Nyambung
21. Tikas Tuh Helu Je Hajat Niat
Mandurut Kayung Je Sapaingat
Bahajat Tarantang sakula Tamat
Ranying hatalla Dumah Mamberkat
51
KANDAYU ALEM PENDENG HUMA
1. Nyahu Hai Ayun Hakumbang
Mandurut Untung Raja Hakanduang
Ranying Hatalla Ije Ingguang
Nuntung Itung Nyambung Kanahuang
2. Hetuh Itah Rata Manimang
Mandurut Panatau Laku Kasanang
Nampa Pendeng Parung Mahawang,
Sambalun Penyang Tingang Sangiang
3. Pendeng Parung Mahawang
Parung Tabasan Tingang Sangiang
Mangat Hai Je Pahalendang
Eka Tarung Lampang Hagatang
4. Ranying Hatalla Tantahian Huran
Masi Tunggul Garing Janjahunan
Bisak Bendang Jadi Injekan
Parung Hai Ampie te Kajadian
5. Limut Batu Hanjak Rantang
Parung Hai Jadi Inambang
Hatalla Nyalupu Je Kayun Penyang
Sangkum Panyampah Garing Narantang
52
6. Limbah Te Tinai Itah Balaku
Umba Ranying Hatalla Ngambu
Masi Utus Je Raja Bunu
Tutuh Kameluh Je Limut Batu
7. Itah Pendeng Parung Mahawang
Inyalupu Karuhei Je Bambang Penyang
Eka Tarung Lampang Hagatang
Sangkum Panyampah Garing Narantang
8. Kalute Itah Jadi Bajapa
Balaku Berkat Ranying Hatalla
Hetuh Itah mampendeng Huma
Uka Salamat Belum Baguna
9. Hatalla Nangkilik Jatta Nangera
Karuhei Sambalut Je Huang Huma
Nyalupu Kayu Sangga Tatamba
Penyang Sangakemu Je Ngambu Ngiwa
10. Itah Basarah Je Ela Peda
Balaku Berkat Ranying Hatalla
Kitab Panaturan Rajin Imbasa
Hayak Ngandau Sambil Barima
53
11. Haguet Basarah Ela Mahamen
Balaku Petunjuk Ela Langkamen
Badoa Pahayak Kula Je Beken
Berkat Muhun Behas Hariten
12. Sahur Parapah Inarinjet Kea
Balaku Berkat Tuh Ewen Umba
Bangkusan Timpung Inenga Tanda
Jamban Mandinu Berkat Hatalla
13. Tikas Tuh Helu Rawei Kandayu
Basarah Umba Hatalla Ngambu
Mangat Ie Masi Ela Bagetu
Kaharingan Belum Tarung Batantu
14. Kalute Kandayu Je Imantang
Kandayu Mamparendeng Parung Mahawang
Hajamban Kandayu Tingang Nganderang
Tempun Parung Je Tatau Sanang
54
KANDAYU METUH BULI HUMA TAHETA
1. Hetuh Tinai Itah Manimang
Ranying Hatalla Ije Inggenang
Itah Rata Je Hanjak Rantang
Taheta Narima Parung Mahawang
2. Itah Narima Parung Mahawang
Parung Tabasan Tuh Jarin Tingang
Bahalap Hayak Hai Pahalendeng
Kilau Parung Jatta Balawang
3. Itah Samandiai Je Hanjak Rata
Huma Hai Hayak Baguna
Mampahayak Berkat Ranying Hatalla
Masi Itah Mandinu Huma
4. Hetuh Itah Je Uras Mite
Pasin Hatalla Je Tutu Tege
Intu Bentuk Kalunen Are
Behas I-Intih Harinten Pire
5. Sarat Itah Je Buli Huma
Mangat Rajaki Halajur Manyupa
Ela Mawi Kalahi Kajama
Kutak Pander Keleh Bajenta
55
6. Are Sarat Itah Mahapan
Ma-amal Sinta Jite Pedoman
Peteh Hatalla Atun Insanan
Inyurat Huang Buku Je Panaturan
7. Are Sarat Ije Baguna
Itah Melai Huma Taheta
Kumi tatawe Parahan Kajenta
Rajin Nyarungan Tamuei Maja
8. Kalute Huma Je Kabajuran
Sukup Tipeng Je Bahalap Ukuran
Putir Bakurung Jite Ihapan
Bahan Taraju Jite Ihapan
9. Tinai Angat Je Kanahuang
Itah Melai Parung Mahawang
Balaku Belum Je Tatau Sanang
Hatalla Manenga Umur Panjang
10. Sarat Ain Itah Je Buli Huma
Nyaki Jihi Bakas,Jihi Tabela
Mandai Kangambu te Bara Ngiwa
Naga Hai Epat Je Hapanyila
56
11. Salatin Parung Nyaki Ingguang
Nyaki Tingang Epat Hatalumbang
Lepah Paramun Parung Mahawang
Tende Sinde Pamarawung Antang
12. Tikas Tuh Helu Rawei Kandayu
Balaku Asin Hatalla Ngambu
Masi Utus Je Raja Bunu
Sahapus Kalunen Kampungan Bunu
13. Sampai Hetuh Je riwut Rawei
Hajamban Pumpung Basarah Bewei
Basarah Penyang Je Hinje Simpei
Balaku Hatalla Pahayak Ikei
KANDAYU ALEM ULUH HANDAK MANUGAL
1. Ayu Itah Sama Nganderang
Ranying Hatalla Ije Ingguang
Ngandayu mandurut Raja Hakanduang
Ngaragan Bukit Kagantung Gandang
2. Tamparan Parei Manyangen Tingang
Tuntang Pulut Lumpung Penyang
Gaduhan Putir Selung Tamanang
Nangkaluma Awi Raja Angking Penyang
57
3. Andau Te Kia Hatuen Jatta
Babalang Bulau Lampang Babala
Ie Dumah Palus Umba
Ngajadian Parei Tumun Sarita
4. Limbah Te Ewen Kapeleng Renteng
Nyapenda Garing Kapandereh Renteng
Intu Bukit Rundung Kereng
Saluruh Raja Uras Hakampeleng
5. Palus Raja Dumah Manimang
Nyarantang Panuhan Uka Kanahuang
Paharin Awi Selung Tamanang
Basaluh manjadi Parei Manyangen Tingang
6. Eweh Kalunen Dia Mangganang
Behas Parei Manyangen Tingang
Ie Dia Baumur Panjang
Rajaki Tapas Belum Kurang
7. Kalute Tanturan Tumun Sarta
Ie Hadurut Hayak Kuasa
Panjajuri Hayak Paseban Raja
Handurut Hayak Lambang Palangka
58
8. Ie Hadurut Akan Dunia
Due Pampeteh Ie Mahaga
Nyalamat Kalunen Buli Hatalla
Intu Lewu Lewun Kuasa
9. Ikau Tuh Parei Manyangen Tingang
Andau Tuh Tinai Bitim Halisang
Naga Hai Mahi Ingguang
Tuah Rajaki Uras Ingguang
10. Putir Baputi Amas Haguet Maja
Uju Andau Ie Batapa
Abu Basar Jadi Nyadia
Amas Intan Akan Inenga
11. Putir Baupak Amas Misik Hagatang
Mamuat Bulau Intan Je Lenda-Lendang
Tarung Bitim Ayum Hakumbang
Pampeteh Hatalla Katika Usang
12. Tarung Bitim Sahapus Dunia
Najiri Bulau Je Pungkal Raja
Tingang Kampeleng Tambun Hasupa
Ngatah Bitim Hadurut Maja
59
13. Palin Parei Je Manyangen Tingang
Supak Dare Ela Nantuwang
Sarangan Behas Je Ela Buang
Danum Kayu Je Ela Kurang
14. Tinai Belum Ela Panyapa
Ela Mangutuk Je Tunda Kula
Kabisit Kakuhu Inganan Rata
Kajenta Kajurah Jita Ihapa
15. Kakulas Katehu Ela Ihapa
Mangat Rajaki Je Rajin Maja
Itah Ela Kalahi Kajama
Kahiri Ngana Je Paut Ela
16. Tuntang Tinai Je Ela Laya
Kahalap Karasih Uras Ihaga
Rasih Uras Taluh Je Papa
Jamban Mamarit Sangumang Maja
17. Are Sarat je Ihapan
Ma-amal Sinta Jite Pedoman
Peteh Hatalla Tege Insanan
Huang Kitab Je Panaturan
60
18. Are Sarat Ihe Ingguna
Mangat Rajaki Dumah Maja
Kumi Tatawe Hayak Bajenta
Rajin Nyarungan tamuei Maja
19. Hormat Umba Je Indang Apang
Mangat Batuah Baumur Panjang
Tundah Kula Uras Inyayang
Nyarurui Pelek Indang Sangomang
20. Basarah Ngandayu Paham Baguna
Amal Belum Huang Dunia
Kitab Panaturan Rajin Imbasa
Auh Kandayu Uras Irima
21. Tikas Tuh Helu Auh Kandayu
Hajamban Basarah Tuh Itah Balaku
Dengan Ranying Hatalla Ngambu
Uka Basarah Tuh Tatau Baramu
22. Hajamban Kandayu Tuh Itah Nganderang
Balaku Tarung Itah Hagatang
Hajamban Kandayu Tuntung Kanderang
Balaku Hatalla Manenga Kasanang
61
KANDAYU AKAN ULUH IJE HANDAK TIWAH
1. Ayu Itah Sama Nganderang
Manyampai Hatalla Patut Ingganang
Hajamban Basarah Tuntang Nganderang
Itah Mansanan Handak Tiwah Tingang
2. Hajamban Basarah Tuntang Ngandayu
Itah MansanaN Salabih Helu
Intu Luwuk Kapungan Bunu
Itah Handak Ngentang Tiwah Bunu
3. Itah Balaku Sahur Parapah
Uras handurut Pahayak itah
Uka Mahaga Katika Tiwah
Tuntang Hatalla Tau Masi Itah
4. Balaku Dengan Jatta Sangiang
Ijin Pampahilep Patahu Antang
Saluruh Parapah Uras Ingganang
Uka Mahaga Metuh Tiwah Tingang
5. Gawin tiwah Paham Baguna
Berkat Hatalla Gitan Babala
Ulih Mantehau Kalunen Maja
Palampang Tarung Sewut Sarita
62
6. Katika Tiwah Itah Mamali
Ela Kaboho Ela Kalahi
Pakat Bulat Hatue Bawi
Mangat Ranying Hatalla Masi
7. Tiwah Manulak Je Rutas Pali
Sial kawe Dia Manggapi
Nukep Uras Tuah Rajaki
Ranying Hatalla Hadurut Masi
8. Gawin Tiwah Ela Ihitung
Mangat Itah Hagatang Tarung
Lewun Hatalla Ije Nanturung
Ranying Hatalla Mamberkat Itung
9. Ampin Asin Ranying Hatalla
Halalian Kalunen Bara Dunia
Bele Kalunen Hayang Mananya
Tiwah Tingang Tatap Ihaga
10. Tinai Karugi Ela Ingganang
Mangat Tarung Tau Hagatang
Lewu Tatau Ije Ingguang
Eka Pambelum Sapanja-panjang
63
11. Gawin Tiwah Dia Babehat
Amun Kalunen Katawan Hakekat
Hajamban Tiwah Hatalla Mamberkat
Majar Kalunen Uka Tau Pakat
12. Gawin Tiwah Te Kareh Gitan
Palampang Tarung Haring Kaharingan
Malalus Peteh Hatalla Huran
Akan Suntu Andau Harian
13. Hete Itah Kareh Manyaksi
Hatalla Parahan Kuasa Hai
Pesta Tiwah Te Ampie Rami
Patut Ingumang Gagenep Biti
14. Are Pesta Huang Dunia
Pesta Tiwah Jatun Manyama
Ampi Rami Dia Lalangena
Tau Mantehau Kalunen Maja
15. Hete Itah Kareh Katawan
Asin Ranying Hatalla je Gitan
Masi Kalunen Je Bara Huran
Bara Tunggul Garing Jajahunan
64
16. Awi Kalunen Huang Dunia
Aluh Je Menteng tuntang Balinga
Jatun Ati Ije Kuasa
Nyalamat Kalunen Tikas Hatalla
17. Tikas TUh Helu Auh Kanderang
Masanan handak Je Tiwah Tingang
Balaku Tarung Itah Hagatang
Tuah Rajaki Je Uras Lampang
KANDAYU LIMBAH TIWAH
1. Itah Niring Bulau Madurut
Jamban Kandayu Bahing Karungut
Peteh Nyai Je Inai Mangut
Parit Balanga Je Runjan Riwut
2. Itah Palus Bahing Timang
Namuei Bukit Kangantung Gandang
Raja Ngambu Ije Ingguang
Mahaga Panatau Je Kayu Erang
65
3. Hete Uka Kalunen Balaku
Raja Kameluh Je Intu Ngambu
Basarah Limbah Je Ngentang Nyahu
Mangat Basuang Je Gantang Uju
4. Gawi Hai Paham Baguna
Mumpung Tingang Je Ngaju Ngawa
Kalunen Panggil Tambun Hasupa
Nangkenya Nalatai Lunuk Mamua
5. Gawi Hai Je Jadi Gitan
Akan Kakare Ungkup Babuhan
Lampang Tarung Je Kaharingan
Kilat Mamancar Kilau Bulau Hintan
6. Gawi Hai Dia Ihitung
Akan Kaharingan Palampang Tarung
Lewu Tatau Ije Nanturung
Raja Ngambu Manyambung Untung
7. Awi Pasin Ranying Hatalla
Halalian Itah Bara Dunia
Bele Kalunen Hayang Mananya
Tiwah Tingang Tatap Ihaga
66
8. Tinai Karugi Ela Ingganan
Kaharingan Belum Tarung Lampang
Lewu Tatau Ije Ingguang
Uka Pambelum Sapanja-panjang
9. Gawi Hai Je Jadi Gitan
Palampang Tarung Itah Kaharingan
Malalus Peteh Hatalla Huran
Akan Suntu Andau Harian
10. Hete Jadi Manyaksi
Ranying Hatalla Kuasa Hai
Pesta Tiwah Te Ampie Rami
Pesta Irima Gagenep Biti
11. Are Pesta Huang Dunia
Pesta Tiwah Jatun Mayama
Ampi Rami Dia Lalangena
Tau Mantehau Kalunen Maja
12. Sampai Tuh Helu Auh Kandayu
Basarah Limbah Je Ngentang Nyahu
Dengan Hatalla Itah Balaku
Akan Kaharingan Tatau Baramu
67
KANDAYU EKA ULUH MATEI
1. Hetuh Itah Sama Manarang
Janjin Ranying Hatalla Usang
Ela Mikeh Ela Kia Bimbang
Jalahan Itah Je Jadi Layang
2. Ampin Kalunen Sia-Sia
Biti Bereng Hayang Manaya
Sial Hai jadi Manyupa
Akan Itah Huang Dunia
3. Itah Belum Huang Dunia
Kilau Mijen Randung Banama
Dimpah Tasik Galumbang Bahaya
Bereng Kiamat Tuntang isi Daha
4. Kalunen Bapikir Tuh Ela Sala
Janjin Itah Sampai Katika
Kalunen Dumah Awi Kuasa
Haluli Tinai Buli Hatalla
5. Itah Ela Geger Manahan
Pampatei Jite Nah Kilau Jamban
Ranying Hatalla Jadi Manduan
Lawu Tatau Eka Tujuan
68
6. Hetuh Itah Tinai Manarang
Janjin Ranying Hatalla Usang
Ie Kareh Tege Manambang
Huang Lewu Tatau Eka Kasanang
7. Lewu Tatau Te Lewu Hai
Eka Hatalla Jadi In-Janji
Eka Bakumpul Barami-Rami
Lewun Pambelum Ije Katatahi
8. Itah Uras Jadi Katawan
Asin Hatalla Katika Huran
Genep Ie Jadi Mansanan
Akan Kalunen Rata Katawan
9. Itah Manyarah Ela Bimbang
Ranying Hatalla Ije Ingguang
Itah Susah Balaku Sanang
Tarantang Nule Tarung Hagatang
10. Tikas Hetuh Riwut Rawei
Basarah Penyang Je Hinje Simpei
Inyimpei Indehen Je Huang Atei
Janjin Hatalla Jadi Penyang Karuhei
69
11. Kalute Auh Rawei Kandayu
Mansanan Janjin Hatalla Ngambu
Hatalla Mameteh Katika Helu
Tarantang Nule Ela Manyalu
12. Awi Huang Harian Jeha
Uras Kalunen sama Rata
Lewu Tatau Eka Hasupa
Tampara Kahapus Gawin Hatalla
KANDAYU METUH MENGUBUR
1. Ayu Itah Sama Manarang
Janjin Ranying Hatalla Usang
Liau Kaharingan Kanesek Layang
Raja Entai Nyuhu Tege Manambang
2. Pasahan Raung Jadi Ingguang
Eka Tarung Tau Lampang
Mentai Raja Duhung Mama Tandang
Imbit Talawang Jambu Bahandang
70
3. Amun Tarung Jadi Lampang
Misik Bitim Bara Tiruh Tingang
Nalian Lanting Eka Ije I-ngguang
Inggaduh Awi Balu Indu Rangkang
4. Balu Indu Rangkang Bakas Lewu
Jamban Liau je Naliung Liu
Napatah Bulau Je Sangkalemu
Nyengkuk Liang Ije Kajanjulu
5. Lewu Tatau Lewu Hai
Hai Pahalendang te Hayak Rami
Tokiu Lahap Kueh Puji Suni
Kanjan Tari Baganti-ganti
6. Kalute Karamin Lewun Hatalla
Akan Kalunen Jadi Sadia
Aluh Jipen Atawa Raja
Buli Hatalla Te Sama Rata
7. Kalute Itah Jadi Insuman
Ranying Hatalla Jadi Mansanan
Lewun Hatalla Tatau Nyahukan
Nyaring Panyaraya Dia Katawan
71
8. Intu Hete Uras Liau Hanjak
Pambelum Taheta Eka Kahandak
Lewu Tatau Jadi I-Andak
Peteh Hatala Dia Balekak
9. Awang Susah Intu Hete Sanang
Lewu Tatau Akan Ingguang
Hete Tarung Kalunen Lampang
Lewun Kuasa Uka Kasanang
10. Tikas Hetuh Rawei Manarang
Manarang Janjin Hatalla Usang
Balaku Tarung Nule te Lampang
Batuah Belum Je Tatau Sanang
11. Tarantang Nule Balaku Asi
Terai Bakanduang Rutas Kapali
Kalunen Handiai Hatue Bawi
Balaku Inenga Tuah Rajaki
12. Ikei Laku Tuah Rajaki
Jatta Nanggera Hatalla Masi
Bakas Tabela Hatue Bawi
Bereng Barigas Hambaruan Buli
72
KANDAYU LIMBAH MANGUBUR
1. Itah Balaku Umba Hatalla
Ganan Tandak Palus Balua
Nyarurui Lingun Je Penyang Raja
Tandak Nyawau Labehun Huma
2. Ganan Tandak Palus Bagawi
Dandang Tingang Inyaluh Jadi
Tampung Papas Baguna Hai
Hapa Mengkak kare Rutas Pali
3. Mapas Ganan Je Ambun Rutas
Enun Bapilu Je Gagar Uras
Kalingu Rutas Bakarak Kuhas
Karendem Rubu Uras Talampas
4. Uras Bakupak Je Balu-Balun
Langkisan Tangis Tatuman Ulun
Terai Nganduang Tarantang Muhun
Tandak Malambung Je Akan Hunjun
5. Bebas Jadi Garing Tarantang
Basempelau Garing Je Batang Sawang
Nyamah Buang Parung Mangetang
Panganduang Buli Je Tasik Layang
73
6. Ambun Barutas Je Panganduang
Buli Nyelem je Tasik Layang
Ludan Manyambar Kueh Je Lampang
Lenyuh Buli Antang Sangiang
7. Tarantang Nule Tinai Balaku
Untung Panjang Bulau Sangkalemu
Hadurut Balua Hulu Banyahu
Panatau Ranying Hatalla Ngambu
8. Itah Balaku Gagenep Andau
Hadurut Penyang Karuhei Tatau
Ungkup Babuhan Je Dia Layau
Asin Hatalla Halajur I-nyundau
9. Tarantang Nule Je Hanjak Rantang
Pahayak Asin Raja Hakanduang
Mangat Tarung Je Tau Lampang
Bereng Barigas Pambelum Sanang
10. Tarantang Nule Je Hanjak Rantang
Pahayak Asin Raja Hakanduang
Mangat Tarung Je Tau Lampang
Tarantang Nule Nupi Bambang Penyang
74
11. Raja Hakanduang Handak Buli
Dadang Tingang Intenjek Haluli
Tarantang Nule Halajur Balaku Asi
Umur Panjang Batuah Marajaki
KANDAYU MELAI UKA PASAH PATAHU
1. Hetuh Itah Sama Dumah
Nyembang Uka Sahur Parapah
Balaku Asi Rajaki Inambah
Dengan Patahu Je Tumun Sejarah
2. Tumun Tanturan Je Jaman Huran
Patahu Raja Ije Jadi Kajadian
Bangkusan Raja Limut Kamasan
Inyaluh Ienter Palus Kajadian
3. Raja Hai Tungkuh Batu
Narantang Nyahu Papan Taliwu
Narantang Patahu Baribu-Ribu
Sama Kuasan Je Raja Uju
4. Raja Uju Je Hakanduang
Mahaga Kalunen Tuh Je ela Layang
Nyarurui Pelek Tanduhan Usang
Mangat Tarung Je Tau Lampang
75
5. Lepah Parapah Je Hujan Penda
Sahabat Ilaku Je Dumah Rata
Metuh Itah Munduk Manara
Manumun Auh Peteh Ranying Hatalla
6. Hetuh Tinai Itah Balaku
Patahu Antang Je Intu Ngambu
Raja Kameluh Je Nyai Mangku
Ngantung Gandang Hulu Banyahu
7. Ikei Mangaku Dia Malayang
Sahur Parapah Tantahian Huran
Uka Nantisan Danum Nyalung Kaharingan
Akan Ikei Ungkup Babuhan
8. Ikei Mangaku Karuhei Tatau
Ngantung Gandang Malambung Bulau
Hulu Banyahu Babalai Bulau
Hatalla Pahayak Gagenep Andau
9. Mungkal Penyang Je Hinje Andau
Ngantung Gandang Malambung Bulau
Hulu Banyahu Babalai Bulau
Hatalla Pahayak Gagenep Andau
76
10. Rangkan Panginan Jadi Inenga
Nyembang Kakare Kameluh Raja
Garu Manyan Minyak Uras Nyadia
Kuman Mihup Je Arak Raja
11. Ikei Balaku Panyangka Tatamba
Penyang Panyampah Ije Baguna
Dengan Patahu Ije Raja Kuasa
Inenga Awi Ranying Hatalla
12. Ikei Balaku Lewu Tuh Je Tatau Sanang
Lewu Ngarambang Patahu Antang
Darung Pulu Ijin Je Bara Tumbang
Lewu Ngarambang Garun Sangiang
77
KANDAYU MAMBUWUR HAMBARUAN
1. Uja-Ujan Aseng Panjang
Sambalut Simpei Bambang Penyang
Mandehen Bulau Untung Panjang
Namburak Rabia Nyaman Tuyang
2. Nasaki Dahan/Tanteluh Manuk Darung Tingang
Batambang Untung Asen Panjang
Bereng Barigas Belum Tatau Sanang
Batarung Pulu Lampang Hagatang
3. Mamantis Nyalung Kaharingan
Akan Entang Tingang Mangawan
Utus Raja Bunu Te Huran
Manyelem Behas Hambaruan
4. Najuri Ku Bangkang Haselan Tingang
Batu Junjun Kare Purun Entang
Malisen bara Peres Panganduang
Sama Rata Ba-Umur Panjang
5. Kuruk Bulau Hambaruan
Sambalut Nyalung Kaharingan
Balasang Kandayu Ie Nyamanan
Tumun Peteh Tingang Tatu Huran
78
6. Sama Kanuah Anak Jatta Lampang
Manasa Pandung Je Balau Panjang
Hajamban Kandayu Kayu Erang
Najak-Ku Bukit Uju Hanya Jenjang
7. Nutuh Bulau Pungkal Raja
Hajamban Asin Ranying Hatalla
Bawi Hatue Bakas Tabela
Kurik Hai Dia Imbeda
